Менавіта гэтую пачэсную ўзнагароду ад імя начальніка Дэпартамента аховы палкоўніка міліцыі Аляксандра Шэпелева атрымалі ў сераду за ўмелыя і прафесійныя дзеянні, ініцыятыву, праяўленыя пры затрыманні злодзеяў, чацвёра работнікаў Бярэзінскага раённага аддзялення Дэпартаменту аховы прапаршчык міліцыі, міліцыянер-кінолаг групы затрымання Анатолій Жораў, старшына міліцыі, камандзір аддзялення групы затрымання Павел Казлоўскі, старшына міліцыі, міліцыянер-вадзіцель групы затрымання Іван Пятровіч і вартаўнік 3-га разраду падрадзялення аховы Мікалай Хамянок. Узнагароды ім уручыў начальнік абласнога ўпраўлення аховы палкоўнік міліцыі Алег Царук. Бярэзінскія ахоўнікі 12 лістапада папярэдзілі спробу крадзяжу аўтазапчастак з тэрыторыі ахоўваемага аб’екта.
– Першым злодзеяў заўважыў пільны вартаўнік, — расказвае начальнік Бярэзінскага раённага аддзялення Дэпарменту аховы Данііл Тарацін, — а потым у работу па затрыманні ўключыліся і астатнія супрацоўнікі. Схема крадзяжу ў злодзеяў была нескладанай: адзін перакідваў запчасткі цераз агароджу другому, а трэці павінен быў перавезці ўкрадзенае. У ходзе адпрацоўкі тэрыторыі афіцэры аховы знайшлі і аўтамабіль, на якім планавалася перавезці ўкрадзенае. Як высветлілася ў ходзе следства, гастралёры пражываюць ў Смалявічах, нідзе не працуюць, а двое з іх ужо прыцягваліся да крымінальнай адказнасці. Цяпер тэрмін пакарання пагражае ўсім. Спадзяюся, што ён стане для іх апошнім і злодзеі надоўга запомняць аператыўнасць і прафесіяналізм бярэзінскіх ахоўнікаў!
220030, г. Брест, ул. Фомина, 16
246003, г. Гомель, ул. Тельмана, 42
220123, г. Минск, ул. Старовиленская, 85
220092, г. Минск, ул. Одоевского, 12
212030,, г. Могилев, ул. Пионерская, 21